Հարավաֆրիկյան հանրապետությունում մեղվի պարսը հարձակվել է երեխաների վրա. ավելի քան 40 երեխա հոսպիտալացվել է երկրի հյուսիսարեւելյան Բենոնի քաղաքում: Այս մասին հաղորդել է տեղի շտապ օգնության ծառայության ներկայացուցիչ Քրիս Բոտան: «Երեխաներն ավտոբուսի էին սպասում, երբ դա տեղի ունեցավ: Մեղվի պարսը չգիտես որտեղից հայտնվեց եւ հարձակվեց նրանց վրա»,-ասել է Բոտան: Նրա խոսքով` չորս երեխա կրիտիկական վիճակում են եղել, երբ բժիշկները դեպքի վայր են հասել, հաղորդում է «Վեստի.ռու»-ն: Մի երեխա շտապ օգնության ուղղաթիռով է տեղափոխվել տեղի հիվանդանոց: Տուժել են 2-10 տարեկան երեխաներ: Մասնագետները դեռ չգիտեն, թե ինչն է եղել մեղուների այդպիսի ագրեսիվ պահվածքի պատճառները:
| 