Դիետոլոգները եւ հոգեբանները, ոնոնք աշխատում են անքնության խնդրի վրա, նշել են այն սննդատեսակները, որոնք, նրանց տվյալներով, կարող են մարդկանց մոտ քնի խանգարման պատճառ դառնալ եւ գիշերային մղձավանջներ առաջ բերել, գրում է NBC News-ը: Օհայո նահանգի Քլիվլենդի հիվանդանոցի քնի խանգարման կենտրոնի մասնագետները վստահ են, որ դժվարամարս, կծու եւ ծանր ուտելիքները խանգարում են հանգիստ քնին եւ նվազեցնում դրա որակը: Բժիշկների խոսքով` երեկոյան կամ գիշերային ժամերին սնվելն արագացնում է օրգանիզմում նյութափոխանակությունը եւ բարձրացնում նրա ջերմաստիճանը, իսկ դա հանգեցնում է ուղեղի ակտիվության, հատկապես արագ քնի փուլում: Հենց այդ փուլում են մարդիկ երազներ տեսնում: 389 մարդկանց մասնակցությամբ փորձարկումը ցույց է տվել, որ նրանց 8,5 տոկոսն իր գիշերային մղձավանջները կապում է քնից առաջ սննունդ ընդունելու հետ: Կծու եւ յուղալի սնունդը, ինչպես նաեւ կաթնամթերքը ունակ են մղձավանջների պատճառ դառնալ:
| 