 «Խաղից դուրս» հեռուստասերիալի 31-ամյա դերասան Արսեն Առաքելյանը մահացել է սրտամկանի ինֆարկտից: «Արջուկ» մականունով սիրված դերասանն ամուսնացած էր, ուներ 4 տարեկան որդի: Բազմաթիվ երկրպագուներ, ծանոթներ եւ ընկերներ ցավակցություններ ու բարի խոսքեր են հրապարակել նրա ֆեյսբուքյան էջում: Սակայն շատերը գրում են, որ չեն հավատում լուրին, քանի որ մեկ կամ երկու օր առաջ խոսել են նրա հետ: Իսկ սեփական էջում իր՝ Արսենի վերջին գրառումը եղել է 18 ժամ առաջ. «Եթե դու կարողանում ես 2 րոպեից ավելի լսել Անի Քոչարի ինտերվյուն, ուրեմն դու աշխարհի ամենա նյարդեր չունեցող մարդն ես»: NEWS.am STYLE-ը ցավակցություններ է հայտնում Արսենի ընտանիքին եւ հարազատներին:
| 