 Վարդերը զգացողություններն արտահայտելու լավագույն միջոցն են: Ձեզ մատուցված վարդի գույնը կարող է շատ բան պատմել նվիրողի զգացմունքների մասին: NEWS.am STYLE-ը ձեզ կօգնի հասկանալ վարդերի լեզուն: Սպիտակ վարդեր Մաքրության եւ անաղարտության խորհրդանիշ: Դրանք նվիրում են կնոջը, որով հիանում են: Հենց այս վարդերն են համարվում հավերժ եւ ուժեղ սիրո խորհրդանիշ: Կարմիր վարդեր Կարմիր վարդերը նույնպես սիրո խորհրդանիշ են: Դրանք խոսում են նվիրողի նվիրվածության եւ երախտագիտության, ձեր հանդեպ նրա կրքոտ եւ ուժեղ սիրո մասին: Վարդագույն վարդեր Նրբագեղության խորհրդանիշ: Եթե ցանկանում եք երախտագիտություն հայտնել, ավելի լավ է վառ վարդագույն վարդեր նվիրեք: Իսկ եթե ցանկանում եք արտահայտել ձեր համակրանքը, ապա նվիրեք նուրբ վարդագույն ծաղիկներ: Դեղին վարդեր Ըստ ժողովրդական համոզմունքի, դեղինը բաժանման գույնն է: Եթե ձեզ դեղին վարդեր են նվիրել, իմացեք, որ ձեր ընտրյալը ցանկանում է բաժանվել ձեզանից: Սակայն ընդունված է նաեւ դեղին վարդեր նվիրել դերասաններին եւ արտիստիկ բնավորությամբ մարդկանց. դա արեւի լույսի եւ հաջողության խորհրդանիշ է: Դեղձագույն վարդեր Համեստության դրսեւորում: Շատ «գործնական» ծաղիկներ են: Դրանք, որպես կանոն, նվիրում են օրվա հաջող ավարտի կապակցությամբ: Սեւ վարդեր Թախիծի եւ մահվան խորհրդանիշ:
| 