Ժնեւի ավտոսրահում Toyota-ն ներկայացրել է RAV4-ի հատուկ տարբերակը, որն ստացել է «Adventure» (արկած) անվանումը: Ընկերության ներկայացուցիչները նշել են, որ այս մոդիֆիկացիան կոչված է ընդգծել մոդելի ամենագնաց հատկությունները:

Ժնեւյան ավտոշոուում ներկայացվել է RAV4-ի եւս մեկ մոդիֆիկացիա` «Premium»-ը:  Այն, ըստ հեղինակների, պետք է մոդելին բացառիկություն հաղորդի: Մեքենան բրոնզագույն է, իսկ սրահը պատված է  թանկարժեք կաշվով:

Բացի այդ, ճապոնացիները եւս մեկ մոդել են ցուցադրել`  ունիվերսալ «Auris – Sports Black»-ը: Այն սեւ մետաղական գույի է` վառ կարմիր երիզով: Սրահի ներսում եւս գերիշխում են կարմին ու սեւը: