 Գերմանիայում Նախնադարյան պատմության թանգարանի աշխատակիցները մաքրություն անելիս նկուղում պատահաբար մամոնտի 200 հազար տարվա կմախք են հայտնաբերել: Հայտնում է Bild թերթը:«Մեզ շտապ պետք է վայր, քանի որ մենք օրենքով պարտավոր ենք պահպանել այն ամենը, ինչ երբևէ հայտնաբերվել է: Ամենահին գտածոները պահվում են մեր նկուղներում շուրջ 200 տարի»,- հայտարարել է տնօրենը: Ըստ թերթի տեղեկությունների՝ հնագույն կենդանու կմախքը պահպանվել է մեկ այլ հայտնի մամոնտի մնացորդների հետ: Դրանք հայտնաբերվել էին 1953 թվականին, Բրաունսբեդրայում: Այդ ժամանակից դրանք գտնվում են մի արկղում, և քանի որ թանգարանի տարածքն ընդլայնվում է ավելի դանդաղ, քան նոր գտածոների ի հայտ գալը, ոչ ոք ուշադրություն չի դարձրել, որ այնտեղ ոչ թե մեկ, այլ երկու կմաղք կա: Չի հաղորդվում՝ հայտնաբերված կմախքը կդառնա թանգարանի ցուցադրության մի մա՞ս, թե՞ հետազոտությունների համար կհանձնվի գիտնականներին:
|
