«Սադախլո» մաքսային կետում վրացական մաքսատան աշխատակիցները կանխել են թանկարժեք քարերի մաքսանենգության դեպքը: Ինչպես հաղորդում է սահմանապահ ոստիկանությունը, առաջին դեպքում թանկարժեք քարերը թաքցրել էին Հայաստանի քաղաքացու մեքենայի բեռնախցիկի թաքստոցում: Երկրորդ դեպքում թանկարժեք քարերը Հայաստանից Վրաստան է փորձել տեղափոխել Սիրիայի քաղաքացին: Թեեւ վերջինս հայտարարագրել է իր մոտ եղած ոսկյա զարդերը, բայց նրա գրպանում գտել են չհայտարարագրված 3-4 կարատանոց ադամանդե քարեր: Ինչպես հաղորդում է «Գռուզիա օնլայնը», առգրավված քարերն ուղարկվել են փորձաքննության:
| 