Ռումինիայի նախագահ Տրայան Բեսեսկուն ստիպված է եղել մեկնել Վատիկան Հռոմի Պապ Ֆրանցիսկի թագադրմանը չվերթային ինքնաթիռով, քանի որ կառավարությունը զրկել էր նրան անձնական ինքնաթիռից: Նախագահը նշել է, որ երկրի նախագահը պետք է անձնական ինքնաթիռ ունենա, որպեսզի հարկ եղած արտակարգ իրավիճակների դեպքում հնարավորություն ունենա ետ վերադառնալ երկիր: Ռումինիայի կապի նախարարը հայտարարել էր, որ տարեկան կտրվածքով նախագահի ինքնաթիռի ծառայությունները երկրի բյուջեի վրա արժենում են ավելի քան 7 մլն եվրո: Իսկ ներկայիս ճգնաժամի պարագայում, ավելի նպատակահարմար է տնտեսել այս գումարը:
| 
