 Ամերիկյան դերասան Քրիսթիան Բեյլին առաջարկել են խաղալ Մովսեսի մարգարեի մասին պատմող «Ելք» ֆիլմի գլխավոր դերում, որը թողարկելու է 20th Century Fox կինոստուդիան: The Hollywood Reporter-ի տեղեկացմամբ, դերասանի մասնակցության վերաբերյալ բանակցությունները նոր են մեկնարկել: Ենթադրաբար, ֆիլմի ռեժիսորը կլինի Ռիդլի Սքոթը, ով առաջիկայում կզբաղվի նաեւ Քորմաք ՄաքՔարթիի սցենարով գրված «Խորհրդական» ժապավենի նկարահանումներով: Հիշեցնենք, որ Warner bros. կինոընկերությունը նույնպես աշխատում է Մովսեսի մասին «Աստվածներն ու արքաները» ֆիլմի ուղղությամբ: Ռեժիսորական աթոռն առաջարկվել էր Սթիվեն Սփիլբերգին: Սակայն նրա մերժումից հետո ռեժիսորի գլխավոր թեկնածուն «Պիի կյանքը» ժապավենի ռեժիսոր Էնգ Լին է:
| 