 Կատալոնական «Բարսելոնայի» ավագ Կարլես Պույոլը մտադիր է խաղադաշտ վերադառնալ մայիսին: Մինչեւ այդ 34-ամյա պաշտպանը կմարզվի կրկնակի ծանրաբեռնվածությամբ: Պույոլը ցանկանում է արագացնել ծնկի վիրահատության վերականգնողական շրջանը: Իսպանացին վիրահատվել էր մարտի 16-ին: Նա ցանկանում է խաղադաշտ վերադառնալ մայիսին, որպեսզի կարողանա մասնակցել Չեմպիոնների լիգայի կիսաեզրափակիչի խաղերին, եթե, իհարկե, «Բարսելոնան» հաղթահարի 1/4 եզրափակիչի արգելքը, հայտնում է Sport.es-ը: Հիշեցնենք, որ վիրահատությունից հետո բժիշկները նշել էին, որ մրցաշրջանն ավարտված է Պույոլի համար:
| 