Պենտագոնը նոր մեդալ է ստեղծել այն զինվորականների համար, ովքեր աչքի են ընկել համակարգչային ոլորտում: Մասնավորապես, այդ մեդալով կպարգեւատրվեն ԱՄՆ պաշտպանության նախարարությունում աշխատող հաքերներն ու անօդաչու թռչող սարքեր հեռակառավարողները: «Ես անձամբ ականատես եմ եղել, ինչպես են ժամանակակից տեխնոլոգիաները, ասենք հեռակառավարվող թռչող սարքերն ու կիբերհամակարգերը փոխել պատերազմի էությունը»,-ասել է ԱՄՆ պաշտպանության հեռացող նախարար Լեոն Պանետան, հաղորդում է RBK-ն` վկայակոչելով Reuters-ը: Հատկանշական է, որ սա միակ ռազմական պարգեւն է, որը կարելի է ստանալ` առանց մասնակցելու ռազմական գործողությունների:
|
