«Կորինտիանսը» կարող է բազային ակումբ դառնալ Բրազիլիայի հավաքականի համար, հայտարարել է բրազիլացի լեգենդար ֆուտբոլիստ Պելեն: Ըստ բրազիլացու՝ 2014թ. աշխարհի առաջնությունում Բրազիլիայի հավաքականի կորիզը պետք է կազմեն «Կորինտիանսի» ֆուտբոլիստները:

«Կորինտիանսը», միանշանակ, կարող է բազային ակումբ դառնալ Բրազիլիայի հավաքականի համար: Այո, այնտեղ չկան աստղեր, սակայն դա գլխավորը չէ: Ամենակարեւորն այն է, որ թիմը կայուն ֆուտբոլ է խաղում՝ ցուցադրելով արդյունք: Կարծում եմ, որ Սկոլարին պետք է նախապատվությունը տա հենց «Կորինտիանսի» ֆուտբոլիստներին»,- Պելեի խոսքը փոխանցում է O Globo-ն: