Բրիտանական Three մոբիլային օպերատորի գովազդային հոլովակը դարձել է YouTube-ի հիթը` մեկ շաբաթվա ընթացքում հավաքելով երեք միլիոն դիտում:
Հոլովակում Սոքս անունով պոնին պարում է մարգագետնում: Որպես տեսանյութի երաժշտություն հնչում է Fleetwood Mac խմբի «Everywhere» երգը: Հոլովակն ավարտվում է «Հիմար բաներն եւս պետք են: Շարունակեք մնալ համացանցում» խոսքով:
Հոլովակի առաջընթացի համար հորինվել է նաեւ հեշտեգ`#DancePonyDance եւ YouTube-ի` The Pony Mixer էջը, որտեղ կարող ես ստեղծել պոնիի տեսանյութի քո վարկածը` հարդ-ռոք, հիփ-հոփ, բոյզ բենդ, ֆանք եւ այլ տեսակի, գրում է «Լենտա.ռու»-ն` վկայակոչելով The Daily Mail-ը:
Հաղորդվել է, որ գովազդը նկարահանվել է Շետլանդյան կղզիներում: Սոկս պոնին սովորել է Մայքլ Ջեքսոնի «լուսնի պարը» գազարի օգնությամբ երկու շաբաթվա ընթացքում:
