Փարիզում գողացել են ֆրանսիացի դերասան Ժերար Դեպարդյեի սկուտերը: Այդ մասին հաղորդել է ֆրանսիական «Ֆրանս Բլե» ռադիոընկերությունը:
Ռադիոընկերությունը հայտնում է, որ դերասանը դիմել է Փարիզի 7-րդ թաղամասի ոստիկանություն և հայտնել, որ գողացել են իր՝ Լիլյա փողոցում կայանված սկուտերը: Հենց այդ սկուտերով Դեպարդյեն 2012 թվականի նոյեմբերի 29-ին ոչ սթափ վիճակում երթևեկելիս ընկել է ավտոպատահարի մեջ:
Ինչպես նշում են տեղական ԶԼՄ-ները՝ չնայած, որ Դեպարդյեն ընդունել է Ռուսաստանի քաղաքացիություն, նա, միևնույնն է, բավական շատ ժամանակ է անցկացնում Ֆրանսիայում:
|
