Վենեսուելայի կառավարությունը պարգեւատրել է կուբացի յոթ բժիշկների, որոնք բուժում էին նախագահ Ուգո Չավեսին, ով մարտի 5-ին մահացել էր քաղցկեղից: Բոլոր բժիշկներն արժանացել են «Վենեսուելայի ազատարարներ» առաջին աստիճանի պարգեւին` «մասնագիտական պարտքի կատարման, համառության եւ բարձր պատրաստականության համար», հաղորդում է «Ֆոնտանկան»:
Հիշեցնենք, որ Չավեսը պայքարում էր քաղցկեղի դեմ 2011 թվականից, այն ժամանակ Կուբայում նրան առաջին անգամ վիրահատեցին: Քիմիաթերապիայի չորս կուրսերից հետո Չավեսը հայտարարել էր, թե հաղթահարել է քաղցկեղը, սակայն մի քանի ամիս անց լրացուցիչ ստուգման ժամանակ նոր ուռուցք էին հայտնաբերել եւ վիրահատել էին:
2012թ. դեկտեմբերին Չավեսը կրկին Կուբա էր ուղեւորվել, որտեղ երկու ամիս անցկացրել էր Հավանայի կլինիկաներից մեկում: Մահից երկու շաբաթ առաջ նա տեղափոխվել էր հայրենիք եւ պառկած է ռազմական հոսպիտալներից մեկում:
