ԱՄՆ-ի Յորք քաղաքի բնակիչը հիվանդանոցում է հայտնվել «վարորդ» շան կողմից  վրաերթի ենթարկվելուց հետո: Տղամարդը փորձել է կանգնեցնել շան վարած մեքենան, քանի դեռ այն չէր բախվել կողքին կայանած բեռնատարին, սակայն` անհաջող

Ամերիկացին ճզմվել է երկու մեքենաների արանքում, գլխին հարված ստացել եւ անգիտակից ընկել գետնին: Ավելի ուշ ոստիկանները նրան տեղի հիվանդանոց են տեղափոխել: Ըստ տղամարդու ցուցմունքների` մեքենան միացված շարժիչով է կանգնած եղել, գրում է lenta.ru-ն: Ինչ-որ պահի շունը թաթով հարվածել է փոխանցման տուփին, որի արդյունքում էլ մեքենան սկսել է ընթանալ: