Ամերիկյան երգչուհի Լեդի Գագան, ով վերջերս ազդրի վիրահատություն էր տարել, ծրագրում է մոտ ժամանակներս վերադառնալ աշխատանքի:

Ըստ Daily Mail-ի, երգչուհին կվերադառնա իր նոր՝ Artpop ալբոմով, որի ձայնագրումը սկսել էր Born This Way Ball tour համերգային շրջագայության ժամանակ: Նրա մենեջեր Վինսենթ Հերբերթն ասել է. «Ես անհամբերությամբ եմ սպասում, երբ աշխարհը կլսի նրա նոր երաժշտությունը եւ կտեսնի նրա վերադարձը բեմ ավելի ուժեղ եւ առողջ, քան երբեւէ»: Հերբերթը նաեւ խոստովանել է, որ Գագայի նոր ալբոմի երգերն արմատապես տարբերվելու են նախորդներից, եւ որ նա «դուրս կգա հնարավորի սահմաններից»: