Թուրքիայում բարձրաստիճան զինվորականների հերթական ձերբակալությունն է տեղի ունեցել, փոխանցում է CnnTurk-ը: «Փետրվարի 28»-ի գործով հետաքննության շրջանակներում նախօրեին հարցաքննության է կանչվել 5 պաշտոնաթող գեներալ: Նրանցից 4-ին հարցաքննությունից հետո կալանավորել են, մեկը` ստորագրությամբ ազատ է արձակվել:
Կալանավորված զինվորականներն են գեներալներ Օրհան Յոնեյը, Քյոքսալ Քարաբայը, ծովակալներ Հայրի Բյուլենթն ու Ալթաչ Աթըլանը: Վերջիններս պահվելու են Անկարայում մինչ դատավարությունը:
Նշենք, որ 1197 թվականի փետրվարի 28-ին Թուրքիայի զինված ուժերի բարձրաստիճան գեներալների ճնշման տակ հրաժարական տվեց վարչապետ Նեջմեթին Էրբաքանի գլխավորած կառավարությունը: Թուրքիայում այս դեպքերը հայտնի են որպես «թավշյա հեղաշրջում»:
|
