Լատվիայի բնակիչն իր առանձնատան փայտե պատի մեջ հայտնաբերել է անհայտ ծագման քարե առարկա: Տղամարդն այդ մասին հայտնել է գիտնականներին, որոնք էլ եզրակացրել են, որ այն երկնաքար է: Գտնված առարկան մեծ հետաքրքրություն է առաջացրել լատվիացի գիտնականների շրջանում, հայտնում է mixnews.lv-ը: Երկնաքարը տեղավորվում է ձեռքի ափի մեջ: Հիշեցնենք, որ ավելի վաղ լրատվամիջոցներում տեղեկություն էր հայտնվել, որ փետրվարի վերջին Լատվիայով երկնաքար է անցել: Ըստ ականատեսների`այն կարող էր ընկնել Ռիգայի ծովածոցում: Սակայն այդ տեղեկատվության պաշտոնական հաստատում չկա:
| 