Կոտքայի մարզի 52-ամյա բնակիչ Արմեն Հովհաննիսյանը կենցաղային հարցերի շուրջ վիճաբանել է իր մոր՝ Լալազար Սիմոնյանի հետ, որի ընթացքում երկաթյա կաթսայով հարվածել է նրա գլխին: Եղվարդի ընդհանուր իրավասության դատարանից տեղեկացավ, որ սույն գործը քննվելու է իրենց մոտ:
Գործի նյութերի համաձայն՝ 52-ամյա Արմեն Հովհաննիսյանը Կոտայքի մարզի իրենց տանը կենցաղային հարցերի շուրջ վիճաբանել է իր մոր՝ Լալազար Սիմոնյանի հետ, որի ընթացքում երկաթյա կաթսայով հարվածել է նրա գլխին՝ առողջությանը պատճառելով թեթեւ վնաս, առողջության կարճատեւ քայքայումով , գանգուղեղային փակ, բութ վնասվածքի գլխի գագաթային շրջանի սալջարդ վերքի, շրջակա փափուկ հյուսվածքների սալջարդի , գլխի աջ քունքային շրջանի սալջարդ վերքի, ձախ գագաթաքունքային, քունքային եւ ճակատային շրջանների արյունազեղման տեսքով: Այսինքն, Արմեն Հովհաննիսյանը կատարել է հանցագործություն նախատեսված ՀՀ Քր. օր.-ի 117 հոդվածով: Վերջինս նախկինում դատված է եղել: Խափանման միջոց ընտրվել է ստորագրություն չհեռանալը:
Առաջիկայում կնշանակվի դատական քննության օրը:
