Կեսարյան հատումով ծնված երեխաները 5 անգամ ավելի հաճախ են տառապում ալերգիայով, քան` բնական ճանապարհով ծնվածները: Նման եզրակացության են եկել ամերիկացի գիտնականները, որոնց ուսումնասիրությունը ներկայացվել է Սան Անտոնիոյում Ալերգիայի, ասթմայի եւ իմունոլոգիայի խնդիրներով զբաղվող ամերիկյան ակադեմիայի տարեկան ժողովում: Հետազոտողները 2003-2007 թվականներին ուսումնասիրել են ավելի քան 1,2 տոկոս նորածինների առողջությունը: Օգտագործվել են երեխայի եւ մոր պորտի, արյան անալիզների, ալերգիկ հիվանդությունների ընտանեկան պատմության, տնային կենդանիների առկայության, հղիության առանձնահատկությունների, ծխախոտի ծխի եւ այլ տվյալներ, հաղորդում է «ՌԻԱ նովոստին»: Գիտնականների եզրակացության համաձայն, կեսարյան հատումով ծնված երեխաների մոտ «վտանգավոր» միկրոօրգանիզմների առկայության հակում կա, որը կարող է նրանց ավելի խոցելի դարձնել իմունոգլոբուլին E-ի հակամարմնի արտադրությանը` ալերգենի ազդեցության դեպքում:
|
