ՀՀ ֆինանսների նախարար Վաչե Գաբրիելյանի պարզաբանմամբ՝ 1 ուսանողին տրվող վարկը 1,8 մլն դրամ է՝ տարեկան 450 հազ. դրամ հաշվարկից ելնելով: Ըստ Վ. Գաբրիելյանի՝ ուսման վարձերը հայաստանյան բուհերում տատանվում են 350-500 հազ. դրամի սահմաններում, հետեւաբար՝ վարկը լրիվ բավարար կլինի:

Վարկը տրամադրվելու է 10 տարով, որից առաջին 4 տարում մարվելու են միայն տոկոսավճարները; Տոկոսադրույքը տարեկան 12% է, որից 2-3%-ը կսուբսիդավորի կառավարությունը; Ընդ որում՝ 3% սուբսիդավորումից կօգտվեն գերազանցիկ ուսանողները:

Ծրագիրն իրականացվում է «Բնակարան երիտասարդներին» ունիվերսալ վարկային կազմակերպության միջոցով, որն աշխատելու է ընտրված բանկերի հետ:

Վ. Գաբրիելյանը հիշեցրեց, որ ուսանողական վարկերի մատչելիության բարձրացումը ՀՀ նախագահի նախընտրական շրջանում տրված խոստումներից է: