Երեւանի քաղաքապետարանն ի գիտություն  է ընդունել նախագահի նախկին թեկնածու Րաֆֆի Հովհաննիսյանի լիազոր ներկայացուցիչ Արմեն Մարտիրոսյանի իրազեկումները՝ ս/թ. ապրիլի 18-ից մինչեւ 24-ը Ազատության հրապարակում հավաք  անցկացնելու վերաբերյալ:

Երեւանի քաղաքապետարանի պաշտոնական կայքը տեղեկացնում է, որ ապրիլի 18-ին, 19-ին, 20-ին, 21-ին, 22-ին, 23-ին եւ 24-ին հավաքները կարող են անցկացվել ժամը 11:00-ից մինչեւ 23:00-ն:

Հիշեցնենք, Երեւանի քաղաքապետարանն ավելի վաղ ի գիտություն  էր ընդունել Արմեն Մարտիրոսյանի՝ Ազատության հրապարակում ապրիլի 1-ից 17-ը ներառյալ հավաքներ անցկացնելու վերաբերյալ իրազեկումները: Ապրիլի 1-ին, 2-ին եւ 3-ին հավաքները կարող են անցկացվել 15:00-ից  մինչեւ 20:00-ն,  ապրիլի 4-ին, 5-ին եւ 6-ին՝  ժ. 15:00-ից մինչեւ  21:00-ն, իսկ ապրիլի 7-ին, 8-ին, 9-ին, 10-ին, 11-ին, 12-ին, 13-ին, 14-ին, 15-ին, 16-ին եւ 17-ին՝ ժ. 11:00-ից մինչեւ 23:00-ն:

Լուսանկարը՝ Արսեն Սարգսյանի