Խաղաղ օվկիանոսում, Ինդոնեզիայից հարավ ընկած հատվածում, 6,2 մագնիտուդով երկրաշարժ է տեղի ունեցել: Ստորերկրյա ցնցումներն զգացվել են Արեւելյան Թիմորում եւ խուճապ են առաջացրել բնակչության շրջանում, հաղորդում է «ՌԻԱ Նովոստին»: Երկրաշարժի օջախը գտնվել է 10 կմ խորության վրա, էպիկենտրոնը` Արեւելյան Թիմորի մայրաքաղաք Դիլիից 202 կմ արեւելք: Միաժամանակ, ԱՄՆ երկրաբանական ծառայությունը հայտնում է, որ երկարշարժի մագնիտուդը կազմել է 5,7, իսկ օջախը գտնվել է 35 կմ խորության վրա: Նշենք, որ այս տարածքը «խաղաղօվկիանոսյան կրակե շրջանի» մաս է կազմում:
|
