Հռոմի պապ Ֆրանցիսկոն չի պատրաստվում տեղափոխվել պապական պաշտոնական նստավայր, որ գտնվում է Վատիկանի առաքելական պալատում: Հյուրերի համար նախատեսված Domus Santa Martha պալատը լիովին բավարարում է պապին, լրագրողներին ասել է նրա ներկայացուցիչը:Ֆրանցիսկոն վերջին հարյուր տարվա մեջ առաջին պապն է, որ հրաժարվում է պապական նստավայրից: Նշվում է, որ պաշտոնական հյուրերին ու պատվիրակություններին Ֆրանցիսկոն, այնուամենայնիվ, կընդունի Առաքելական պալատում:
|