Հոռետեսորեն տրամադրված մարդիկ ավելի երկար են ապրում, քան` լավատեսները, պարզել են Գերմանիայի Էրլանգեն-Նյուրնբերգի համալսարանի գիտնականները: Գիտնականների հետազոտությունը, որին մասնակցել է 40 հազար հասուն մարդ, հիմնված է 1993-2003 թվականների ընթացքում հավաքված տվյալների վրա: Ուսումնասիրության ժամանակ մասնագետները խնդրել են կամավորներին գնահատել կյանքից իրենց բավարարվածության մակարդակը եւ ներկայացնել ապագայի վերաբերյալ իրենց կանխատեսումները: 5 տարի անց նրանք կրկնել են հարցումը եւ պարզել, որ նրանք, ովքեր քիչ պահանջներ են ունեցել ապագա կյանքից, ավելի առողջ կենսակերպ են վարում, իսկ լավատեսների մոտ նկատվել է աշխատունակության կորստի եւ ժամանակից շուտ մահվան ռիսկ, գրում է RBK-ն` վկայակոչելով The Telegraph-ը: Փորձագետները նշել են, որ, որպես կանոն, տարեցներն ավելի մռայլ կանխատեսումներ են արել ապագայի մասին, սակայն ավելի ճշգրիտ են եղել, ինչը չի կարելի ասել լավատես երիտասարդության մասին, որը գերագնահատել է իր հաջողությունները:
|
