Վերջին հետազոտությունները ցույց են տվել, որ Վերածննդի դարարշրջանի նկարիչ Լեոնարդո Դա Վինչին նկարել է երկու «Մոնա Լիզա»: Հայտնի է դարձել, որ այն նկարը, որը մի քանի տասնամյակ համարվում էր անհայտ նկարչի կողմից արված «Մոնա Լիզայի» կրկնօրինակ, նկարել է հենց Դա Վինչին:
«Այզելուորտական Մոնա Լիզա»-ն դուրս է բերվել շվեյցարական բանկերից մեկի պահոցից և ենթարկվել կրկնակի փորձաքննության: Նկարի վրա պատկերված կինը դասական Մոնա Լիզայից ավելի երիտասարդ է երևում:
Շվեյցարացի մասնագետները նկարը ենթարկել են ռադիոածխածնային անալիզի, ինչի արդյունքում հերքվել է տարածված այն ենթադրությունը՝ համաձայն որի ստեղծագործությունը համարվում էր բոլորին հայտնի կտավի ավելի ուշ արված կրկնօրինակը: Պարզվել է, որ «Այզելուորտական Մոնա Լիզա՚»-ն ստեղծվել է 1410-1455 թվականներին, այսինքն՝ ավելի վաղ, քան հայտնի «Մոնա Լիզա»-ն:
Ստեղծագործությունն անվանված է Լոնդոնի արվարձաններից մեկի անունով, որտեղ կոլեկցիոներ Հյու Բլեքերը պահպանում էր այն, մինչ իր ամերիկացի գործընկերոջը վաճառելը: Վերջինս իր կյանքի մեծ մասը ծախսել էր պարզելու համար, ով է նկարի հեղինակը:
|
