Գյուտարարների համար առաջին թագավորական մրցանակը Queen Elizabeth Prize for Engineering) ստացել են ինտերնետի հիմնադիրները` սըր Թիմ Բերներս-Լին, Ռոբերտ Կաննը, Վինթոն Սերֆը, Լուի Պուզանն ու Մարկ Անդրիսսենը: Հինգ դափնեկիրները կկիսեն մեկ միլիոն ֆունտ ստեռլինգը, հաղորդում է BBC-ն:
Բերներս-Լին ներկայացրել է Համաշխարհային սարդոստայնի (World Wide Web) հայեցակարգը 1989թ. մարտին: Կանն ու Սերֆը մշակել են TCP/IP արձանագրությունը, որը ընկած է տեղեկատվության դիստանցիոն փոխանցման հիմքում, Պուզանը մտածել է տվյալների փաթեթների մակնշման համակարգը, իսկ Անդրիսսենը մշակել էր առաջին բրաուզերը` Mosaic-ը:
Թագավորական մրցանակը սահմանվել է Մեծ Բրիտանիայի կառավարության կողմից` գիտական առաջընթացը խթանելու համար: 2013թ. մրցանակը տրվել է առաջին անգամ:
