Փարիզի իշխանությունները որոշել են էկոփորձարկում անցկացնել եւ բենզինով աշխատող խոտհնձիչները փոխարինել ոչխարներով: Այդ մասին հայտնում է Associated Press-ը: Բրետանից չորս ոչխարներ պահպանելու են Փարիզի տեսարժան վայրերի սիզամագերի պատշաճ տեսքը, մասնավորապես` Էյֆելյան աշտարակի եւ Նոտր Դամի:
Ենթադրվում է, որ հոկտեմբերից նախագիծը կընդլայնվի եւ Փարիզի փողոցներում ավելի շատ ոչխարներ կհայտնվեն:
Նախկինում Փարիզում կենդանիներն արդեն օգտագործվել էին որպես խոտհնձիչ: Այսպես, անցյալ տարի Լուվրը վարձել էր երկու այծերի, որոնք մինչ այժմ հաջող խնամում են Տյուիլրիի այգին:
Բացի դրանից, տարածքի մաքրման համար այծերի եւ ոչխարների ծառայությանը հաճախ են դիմում Փարիզի շրջակա մասնավոր ընկերությունները, հաղորդում է gazeta.ru-ն:
