Օսակայի բնակչուհի Միսայո Օկավան ճանաչվել է Երկրի ամենատարեց կինը: Մարտին նա կդառնա 115 տարեկան: Օկավան մոլորակի ամենատարեց կին էր ճանաչվել դեռեւս այս տարվա հունվարին` Gerontology Research Group կազմակերպության կողմից: Ավելի ուշ կինը վկայական էր ստացել Գինեսի ռեկորդների գրքի կողմից: Միսայո Օկավան ծնվել է 1898թ. մարտի 5-ին` Օսակայում, կիմոնո պատրաստող վարպետի ընտանիքում: Միսայոյի երեք երեխաներից երկուսը ողջ են եւ նշել են 90-ամյա հոբելյանը, ճապոնուհին ունի նաեւ չորս թոռ եւ վեց ծոռ, գրում է «Ռոսիյսկայա գազետան»: Օկավայից առաջ ամենատարեց կնոջ տիտղոսը պատկանում էր մեկ այլ ճապոնուհու` Կոտո Օկուբոյին, որը մահացել է տարեսկզբին: Իսկ մոլորակի ամենատարեց տղամարդ է ճանաչվել դարձյալ Ճապոնիայի բնակիչ, 115-ամյա Ձիրոուեմոն Կիմուրան: Երկարակեցության ռեկորդը պատկանում է ֆրանսուհի Ժաննա Լուիզա Կալմանին, որը մահացել էր 1997թ. ` 123 տարեկան հասակում:
| 