Երեւանի ճարտարապետաշինարարական համալսարանում այսօր՝ մարտի 26-ին բացվել է էներգաարդյունավետության լաբորատորիա: Այդ մասին տեղեկացնում է ՀՀ բնապահպանության նախարարության հասարակայնության հետ կապերի բաժինը:

Լաբորատորիան բացվել է ՄԱԿ-ի Զարգացման ծրագրի (UNDP) ֆինանսավորմամբ՝ «Շենքերի էներգետիկ արդյունավետության բարձրացում» ծրագրի շրջանակներում:

UNDP-ն Երեւանի ճարտարապետաշինարարական համալսարանին է տրամադրել 10 միլիոն դրամ ընդհանուր արժողությամբ 12 անվանում սարքավորումներ եւ գործիքներ: Այս նորագույն սարքերը թույլ են տալիս գնահատել շենքերի էներգետիկ արդյունավետության հետ առնչվող մի շարք օդերեւութաբանական եւ ջերմաֆիզիկական հարաչափեր եւ ստացված տվյալները ուղղակիորեն ներբեռնելով համակարգիչ՝ ստանալ վերլուծած արդյունքները գրաֆիկական պատկերով: Լաբորատորիան հասանելի կլինի նաեւ համապատասխան որակավորում տրամադրող այլ ԲՈՒՀ-երի ուսանողների համար: