Հայոց Մեծ Եղեռնի 98-րդ տարելիցը ոգեկոչելու նպատակով Թեհրանի հայոց թեմական խորհուրդը կյանքի է կոչել հանձնախումբ, որն արդեն սկսել է աշխատանքները, տեղեկացնում է Իրանում լույս տեսնող «Ալիք» օրաթերթը:
Հանձնախմբի ատենապետ, իրավաբան Թալին Բանդարին թերթի հետ զրույցում ասել է, որ հանձնախումբը Իրանի պետական շրջանակներին նամակներ է հղել` կապված ապրիլի 24-ին սպասվելիք քայլարշավի եւ Թեհրանում Թուրքիայի դեսպանատան առաջ բողոքի ցույց անցկացնելու հետ:
Ատենապետը վերոհիշյալ ակցիաներն անցկացնելու համար թույլտվություն ստանալու հույս ունի:
|
