«Թարդ» մականունով կատուն, որը հայտնի է դարձել համացանցում իր դժգոհ դեմքի արտահայտության շնորհիվ, մոտ ժամանակներս հեռուստաաստղ կդառնա: Ներկայումս ամերիկացի պրոդյուսերները կենդանուն եւ նրա տիրոջն առաջարկում են մասնակցել տարբեր նախագծերի:
Ողջ ինտերնետը հեղեղված է մշտապես դժգոհ Թարդի լուսանկարներով, տեսանյութերով ու դեմոտիվատորներով: Նրա դեմքով քաղցրաբլիթներ ու կեքսեր են արտադրում, գրում է «Գիշերային Մոսկվան»:
Բացի այդ, «Թարդը» սեփական կայքն ունի, որտեղ ամեն օր նորանոր լուսանկարներ են ավելանում: