Science ամսագրում հրապարակված հետազոտությունն ուժգնացրել է այն հիպոթեզի կողմնակիցների դիրքորոշումը, որի համաձայն դինոզավրերը մահացել են 66 մլն տարի առաջ խոշոր գիսաստղի հետ Երկրի բախման հետեւանքով: Այս տիեզերական տեսության հակառակորդները պնդում են, որ այդ բախման եւ դինոզավրերի իսպառ վերացման միջեւ բավական երկար ժամանակ է անցել, մոտ 300 հազար տարի: Սակայն ռադիոակտիվ իզոտոպների նորագույն հետազոտությունները ցույց են տալիս, որ այդ ժամանակային խզումն իրականում անհամեմատ փոքր է, ընդամենը 33 հազար տարի:
Գիտնականների խոսքով` նախորդ մի քանի մլն տարիների ընթացքում կլիմայի կտրուկ տատանումների հետեւանքով շատ դինոզավրեր արդեն ոչնչացման եզրին էին, իսկ Երկիր մոլորակի եւ գիասաստղի բախումը վերջնականապես ոչնչացրեց նրանց, հաղորդում է BBC-ի ռուսական ծառայությունը:
| 