Մարսում նախկինում եղել են կյանքի զարգացման անհրաժեշտ պայմանները, եզրակացրել են NASA-ի գիտնականները՝ քննելով Curiosity մարսագանցի ուղարկած տվյալները:

Սարքը  խառնարաններից մեկում գտնված քարերի քիմիական վերլուծություն է կատարել: Մեծ քանակությամբ ազոտի, ջրածնի եւ ածխածնի պարունակություն է հայտնաբերվել, որոնց առկայությունը վկայում է, որ ինչ-որ ժամանակ խառնարանում գետ է հոսել կամ աղի ջրով լիճ է եղել:

Սակայն գիտնականները չեն շտապում վերջնական եզրակացություն կատարել, ասում են, որ առայժմ չի կարելի պնդել, թե դրանք միկրոօրգանիզմների գոյության անհերքելի ապացույցներ են, հայտնում է dni.ru-ն: