Չինաստանի Չժեցզյան նահանգի համալսարանի գիտնականները ստեղծել են աշխարհի ամենաթեթեւ պինդ նյութը: Գրաֆենի հիմքից ստեղծված աէրոգելն այնքան թեթեւ է, որ կարող է մնալ ծաղկի ցողունի վրա: Այն վեց անգամ թեթեւ է օդից, նրա քաշը կազմում է 0,16 մգ:
Նման գերթեթեւ նյութը ստեղծել են լիոֆիլիզավորման գործընթացի շնորհիվ, որի արդյունքում նանոփողերի եւ գրաֆենի ածխածնի շղթաներից հանվել է խոնավությունը` միաժամանակ պահպանելով նրանց բնութագրական հատկանիշները:
Տարբեր երկրների մասնագետներ այդ հայտնագործությունն արդեն համարել են գիտության առաջընթաց: Հայտնագործողները մտադիր են այդ աէրոգելն օգտագործել ջրում նավթային պարունակության դուրսհանման, կամ ջրի ու օդի մաքրման նպատակով:
Ինչպես հաղորդել է «Էքսպերտ»-ը, նավթ հավաքելու համար օգտագործվող ժամանակակից ներծծող նյութերն ի վիճակի են ներծծել իրենց քաշը 10 անգամ գերազանցող ծավալ: Նոր նյութը մի քանի անգամ ավելի արդյունավետ է` նա կարող է հավաքել իր սեփական քաշը 900 անգամ գերազանցող ծավալ:
