Չելյաբինսկի մարզում քննում են 8-ամյա երեխայի մահվան հանգամանքները, որը տան շների հարձակման զոհ է դարձել: Ողբերգական դեպքը կատարվել է մարտի 19-ին՝ Իսակովո ավանի Ժելեզնոդորոժնայա փողոցի սեփական տանը:
Նախնական տվյալով՝ մայրը որդուն խնդրել է աղբը դուրս հանել: Երբ երեխան դուրս է եկել, նրա վրա են հարձակվել ազատավանդակում պահվող գերմանական երկու հովվաշները: հայտնի չէ, թե նրանց ինչպես է հաջողվել դուրս գալ, հայտնում է NEWSru.com-ը:
ՌՔԿ տարածքային բաժինը հայտնում է, որ շները երեխային բազմաթիվ անգամ կծել են, երեխան նախքան շտապօգնության հասնելը մահացել է:
Կատարված փաստի առթիվ հարուցվել է քրեական գործ՝ «անզգուշությամբ մահ պատճառելու» հոդվածով: Մահացած երեխայի ծնողներին, որոնք ազատավանդակը մոռացել էին կողպել, մինչեւ 2 տարվա ազատազրկում կարող է սպառնալ:
