 Նյու Յորքում կարգուկանոնին կհետեւեն տեսախցիկներով զինված անօդաչու թռչող սարքերը: Այդպիսի հայտարարությամբ հանդես է եկել Նյու Յորքի քաղաքապետ Մայքլ Բլումբերգը՝ ռադիոյով ամենամյա ելույթի ժամանակ:Ինչպես գրում է New York Post-ը, քաղաքապետը տեսախցիկներով քաղաքին հետեւելը համեմատել է ծովային մակընթացության հետ, որոնց «չի կարելի հակառակվել»: «Մենք հիմա ավելի շատ տեսախցիկներ ունենք եւ ավելի քիչ մասնավոր տարածք: Դժվար թե դուք կարողանանք դա կանգնեցնել, հարմարվեք դրան»,-հաղորդել է Բլումբերգը, հայտնում է Gazeta.ru-ն: Նա նշել է, որ երբ հանցագործություն է տեղի ունենում, ոստիկանությունն առաջին հերթին ստուգում է տեսախցիկների ձայնագրությունները, իսկ սովորական տեսախցիկի եւ անօդաչու թռչող սարքերի վրա գտնվող տեսախցիկների միջեւ Բլումբերգը տարբերություն չի տեսնում: Ըստ նրա կանխատեսման՝ մոտ 5 տարի անց ողջ Նյու Յորքը կհայտնվի տեսախցիկների հսկողության տակ:
| 