 Ռուսական դերասան Անդրեյ Պանինին հետմահու «Կեմերովյան մարզի պատվավոր քաղաքացու» կոչում են շնորհել: Ըստ РИА Новости-ի, այդ մասին Մշակութային գործիչների օրվան նվիրված տոնական ընդունելության ժամանակ հայտարարել է մարզի ղեկավար Աման Տուլեեւը: Պարգեւը հանձնվելու է Պանինի տիկնոջը՝ դերասանուհի Նատալյա Ռոգոժկինային: Բացի այդ, այս տարվանից դերասանուհին ամեն ամիս 20 հազար ռուբլի կստանա՝ որպես Կեմերովյան մարզի պատվավոր քաղաքացու այրի: Այն կտրամադրվի մինչեւ կրտսեր որդու՝ Անդրեյի 18-ամյա տարիքը: Հիշեցնենք, որ Անդրեյ Պանինը վախճանվել է մարտի 7-ին: Նրա հուղարկավորությունը կայացավ մարտի 12-ին, Մոսկվայում: Մշակույթի եւ արվեստի Կեվերովյան պետական համալսարանում, որտեղ սովորել է դերասանը, նախատեսվում է բացել նրա թանգարանը:
| 