Թեքսասի համալսարանի ամերիկյան գիտնականների խումբը հայտնել է անտեսանելի անձրեւանոց ստեղծելու մասին: Խոսքը «մետաէկրան» կոչվող նյութի մասին է, որը բաղկացած է գերբարակ պղնձե ծակոտկեն հյուսվածքներից եւ պոլիկարբոնատային թաղանթից: Ֆիզիկոսներին հաջողվել է անտեսանելիության եւ միկրոալիքների չեզոքացման էֆեկտ ստանալ, հաղորդում է ԻՏԱՌ-ՏԱՍՍ-ը:
Նման նյութով ծածկված օբյեկտները «թափանցիկ» են դառնում, հաղորդում է «New Journal»-ը: Ավելին, գիտնականները վստահեցնում են, որ ալիքներն անցնում են առարկայի միջով՝ ստեղծելով «բացակայության էֆեկտ», ինչը թույլ է տալիս տարածքը տեսնել օբյեկտի միջով:
Գիտնականներն ասում են, որ այդ նյութը մեծ ապագա ունի, քանի որ նոր տեխնոլոգիան կարելի է օգտագործել ռազմական նպատակներով:
