Ադրբեջանի ԲՈՒՀ-երը սկսել են կազմել այն ուսանողների ցուցակները, ովքեր օգտվում են Facebook սոցիալական ցանցից. գրում է Haqqin.az-ը:

Ինչպես կայքին հայտնել է Ադրբեջանի տեխնիկական համալսարանի 4-րդ կուրսի ուսանողներից մեկը, ֆակուլտետի փոխդեկանները կանչում են ուսանողներին իրենց մոտ և հարցաքննում, թե արդյոք նրանք օգտվում են Facebook-ից, թե՝ ոչ:

«Եթե որևէ մեկը խոստովանում է, որ օգտվում է այդ կամ այլ սոցիալական կայքից, ապա նրան սպառնում են հեռացնել համալսարանից, եթե նա չջնջի կամ չփակի իր էջը»,-ասել է իր անունը հրապարակել չցանկացող ուսանողը:

Ինչպես պարզ է դարձել, ուսանողների նման ցուցակներ կազմվում են երկրի բոլոր ԲՈՒՀ-երում:

Կայքը նշում է, որ նման միջոցներով իշխանությունները փորձում են ուսանողներին հեռու պահել ընդդիմադիր կամ արմատական ուժերից: lurer.com